ب / زانايێت مه ل سه‌ر مان و هاتنا موزده‌ليفێ دوو بۆچونن: ل ده‌ف زاهريان و هنده‌ك ژ زانايێت شافعيان: روكن و شه‌نگسته‌يه، و يێ نه‌هێته موزده‌ليفێ حه‌جا وى نه‌يا دورسته، و ل ده‌ف جمهورێ زانايان: واجبه، يێ نه‌هاته موزده‌ليفێ دڤێت قوربانه‌كى بده‌ت هه‌كه حه‌جا وى نه‌يا دورسته، به‌لێ مانا شه‌ڤێ هه‌ميێ هه‌تا سپێده دبيت حوكمه‌كێ دى يێ هه‌ى ئه‌و ژى ئه‌ڤه‌يه: هه‌ركه‌سێ گه‌هشته موزده‌ليفێ و هند ما هه‌تا نڤێژا مه‌غره‌ب و عه‌يشا دكه‌ت و بێهنا خۆ لێ ڤه‌ده‌ت ئه‌و هاتنا موزده‌ليفێ بۆ هاته حسێبكرن، به‌لێ دڤێت شه‌ڤێ هه‌ميێ بمينيت، و هه‌كه چه‌ند ما ل وێرى بۆ هاته حسێبكرن شه‌ڤێ ما ل وێرێ ل ده‌ف حه‌نه‌فيان: هه‌كه ده‌مژمێره‌كێ ل مينايێ بمينيت ئه‌و به‌سه و مانا ب شه‌ڤ بۆ هاته حسێبكرن، و ل ده‌ف مالكيان: هند بمينيت هه‌تا بارێت خۆ ددانن و باردكه‌نه‌ڤه و نڤێژێت مه‌غره‌ب و عه‌يشا دكه‌ن، و ل ده‌ف شافعيان و حه‌نبه‌ليان: بمينيت هه‌تا پشتى نيڤا شه‌ڤێ ئه‌و شه‌ڤ بۆ هاته حسێبكرن، و پشتى هنگى بچيت چو ل سه‌ر نينه. ژ ئه‌ڤا بۆرى ديار دبيت هاتن و مانا موزده‌ليفێ واجبه، به‌لێ هه‌كه ما هه‌تا پشتى نيڤا شه‌ڤێ و پاشى چۆ ئه‌ڤه مانا شه‌ڤێ بۆ هاته حسێبكرن و خودێ چێتر دزانيت.
