ب / زانا هه‌مى ئێكن كۆ ده‌مێ تێشته‌گه‌هێ ـ زوحايێ ـ ژ رۆژا جه‌ژنێ باشترين ده‌مه ره‌مى بێته‌كرن، چاڤلێكرن و دويفچۆن بۆ پێغه‌مبه‌رێ خودێ (سلاڤێت خودێ لێ بن) به‌لێ ل سه‌ر ره‌ميكرنا به‌رى ڤى ده‌مى فقهزان ل سه‌ر سێ گۆتنان يێت ژێكجودا بووين:
گۆتنا ئێكێ: دورسته ره‌مى پشتى نيڤا شه‌ڤێ ژ شه‌ڤا جه‌ژنێ بێته‌كرن، و ئه‌ڤه گۆتنا عه‌تائى و شه‌عبيه و مه‌زهه‌بێ شافعيه.
گۆتنا دووێ: دورسته ره‌مي بێته‌كرن پشتى سپێدا رۆژا جه‌ژن ده‌ردكه‌ڤيت، و ئه‌ڤه مه‌زهه‌بێ حه‌نه‌فيه، و ڤه‌گێره‌كه ژ ئيمام ئه‌حمه‌دى.
گۆتنا سيێ: ده‌مێ ره‌ميێ پشتى رۆژ دهه‌لێت و به‌رى ڤى ده‌مى نه‌دورسته، و ئه‌ڤه مه‌زهه‌بێ زاهريانه.
و هه‌ر ئێكێ ژ ڤان به‌لگه‌يێت خۆ يێت هه‌ين، و بۆچۆنا ئه‌ز دبينم ب هێزتر و دگه‌ل سروشتێ ڤى دينى دگونجيت بۆچۆنا ئێكێيه كو دورستى پشتى نيڤا شه‌ڤێ خواردكه‌ڤێت، به‌لێ يا باشتر ئه‌وه پشتى رۆژ ده‌ردكه‌ڤيت ره‌مى بێته‌كرن، به‌لێ هه‌ركه‌سێ پشتى نيڤا شه‌ڤێ بۆرى ره‌مي كر ره‌ميا وى يا دورسته و خودێ چێتر دزانيت.
