به‌رسڤێت دۆر حه‌ج و عومرێ

ب / گه‌له‌ك زانا دورست ناكه‌ن به‌رك ل جهێ به‌رهاڤێتنێ بێنه‌ راكرن، ژ وان: مالكى و حه‌نبه‌لى و زاهري، به‌ركان ل جهێ به‌ركهاڤێتنێ وه‌كى ئاڤا ده‌ستنڤێژێ ددانن، كا چاوا ئاڤا جاره‌كێ هاته‌ ب كار ئينان جاره‌كا دى ناهێته‌ ب كارئينان، هۆسا ئه‌و به‌ركێ هاتيه‌ ب كارئينان نابيت جاره‌كا دى بێته‌ ب كار ئينان، و چونكى پێغه‌مبه‌ر ژى (سلاڤێت خودێ لێ بن) به‌ركێت ب كارئينانێ ب كار نه‌ئيناينه‌ڤه‌، و ل ده‌ف شافعيان دورسته‌، به‌لێ ل ڤێرێ فه‌ره‌ ئه‌م جوداهيێ بكه‌ين د ناڤبه‌را به‌ركێت هاتينه‌ هاڤێتن د ته‌شتێدا و هاتينه‌ ب كارئينان و به‌ركێت د رێكێدا ژ ده‌ستێت حه‌جيان دكه‌ڤن به‌رى بگه‌هنه‌ هنداڤ ته‌شتێ و جهێ به‌ر هاڤێتنێ، ئه‌ڤان دورسته‌ بێنه‌ ب كارئينان و بێنه‌ راكرن هه‌كه‌ من باوه‌رى هه‌بيت ئه‌ڤه‌ نه‌هاتيه‌ ب كارئينان، به‌لێ به‌رێ هاتيه‌ ب كارئينان نه‌دورسته‌ هه‌روه‌كى جمهورێ زانايان گۆتى و خودێ چێتر دزانيت.