ب / زانا ل سه‌ر مانا شه‌ڤێ مينايێ يێت ژێكڤه‌بووين ل سه‌ر دوو گۆتنان، مالكى و بۆچۆنا دورستتر ژ مه‌زهه‌بێ شافعيان و حه‌نبه‌ليان دبێژن: مانا شه‌ڤێ مينايێ واجبه و يێ بهێليت وى واجبه‌ك هێلا، به‌لێ كا چ ل سه‌ر دكه‌ڤيت يا نه؟ ل ده‌ف مالكيان دڤێت قوربانه‌كى بده‌ت، و ل ده‌ف شافعيان و حه‌نبه‌ليان چو ل سه‌ر ناچيت، و ئه‌ڤه ژ عومه‌رێ كورێ خه‌تابى (خودێ ژێ رازي بيت)يا هاتيه زانين، و ئه‌ڤه گۆتنا عه‌تاء و عوروه و ئيبراهيمێ نه‌خه‌عى و موجاهديه، و حه‌نه‌في و زاهري و شافعي د گۆتنه‌كێدا و حه‌نبه‌لى د گۆتنه‌كێدا دبێژن: يێ شه‌ڤێ نه‌ما مينايێ وى خه‌له‌تى كر و چو ل سه‌ر نينه، چونكى مانا مينايێ سونه‌ته د هه‌مي كراساندا ل ده‌ف جمهورێ زانايان هه‌ركه‌سێ زڤرى مينايێڤه پشتى نيڤا شه‌ڤێ و ما ل وێرى هه‌تا بانگێ سپێدێ داى ئه‌و مانا شه‌ڤێ بۆ هاته هه‌ژمارتن، و هه‌كه نه‌زڤري ژى ل دويف بۆچۆنا دووێ وى سونه‌ته‌ك هێلا و چو ل سه‌ر نينه و خودێ چێتر دزانيت.
