ب / ب ره‌نگه‌كێ سروشتى ل ڤێرێ تو هه‌ر دێ حه‌جا ته‌مه‌توعێ كه‌ى، د ته‌مه‌توعێدا ئه‌ڤه ل سه‌ر ته واجبه، ئێك: يان تو قوربانه‌كى بده‌ى، يان ده‌ه رۆژان يێ ب رۆژى بى.. سێ رۆژان ل حه‌جێ و حه‌فتان پشتى تو دزڤريه مال، به‌لێ كه‌نگى دێ رۆژيان گرى؟! هه‌كه ته پێ چێ نه‌بيت قوربانى بده‌ى، چونكى تو يێ هه‌ژارى يان قوربان ب ده‌ست ته نه‌كه‌فت، و ئه‌و سێ رۆژێت وێرێ هه‌كه به‌رى عه‌ره‌فێ بن ئه‌ڤه باشتره، و هه‌كه به‌رى رۆژا عه‌ره‌فێ نه‌گرتن بزانه رۆژا ئێكێ يا عه‌يدێ ناچێبيت تو بگرى، به‌لێ رۆژا دووێ و يا سيێ و يا چارێ كو دبێژنێ: (ايام التشريق) دورسته تو تێدا يێ ب رۆژى بى، هه‌رچه‌نده پێغه‌مبه‌رى (سلاڤێت خودێ لێ بن) نه‌هيا ژ رۆژيێت (ايام التشريق) كرى، به‌لێ بۆ حه‌جى دورسته و بۆ وى هه‌يه ئه‌و وان رۆژان يێ ب رۆژى بيت پێش قوربانيڤه و خودێ چێتر دزانيت.
