ب /دوباره‌كرنا عومرێ د ئێك سه‌فه‌ردا جهێ ئختيلافێيه د ناڤبه‌را زاناياندا د ئێك سه‌فه‌ردا، گه‌له‌ك زانا مه‌كروه نادانن، ژ وان: ئيمام مالك و حه‌سه‌نێ به‌سرى و ئيبراهيمێ نه‌خه‌عى و ئبن سيرين و سه‌عيدێ كورێ جوبه‌يرى و سوفيانێ سه‌ورى، خودآ ژ وان هه‌ميان رازى بيت، و ده‌ليلێ وان پێغه‌مبه‌رى (سلاڤێت خودێ لێ بن) د سه‌فه‌را خۆدا ئێك عومره زێده‌تر نه‌كريه، به‌رامبه‌ر ڤێ بۆچۆنا دى دبێژيت: دورسته عومره د ئێك سه‌فه‌ردا بێته دوباره‌كرن، چونكى.. ئێك: چو ده‌ليل نه‌هاتينه نه‌هێليت و نه‌دورست بدانيت، به‌لكى به‌روڤاژى. پێغه‌مبه‌رى ده‌ستويرى دا عائيشايێ د ئێك سه‌فه‌ردا دوو عومران بكه‌ت.. ئێك دگه‌ل حه‌جا وێ، چونكى حه‌جا وێ قيران بوو حه‌ج و عومره بوون، دوو: ده‌مێ دلێ خۆ بريه عومره‌كا ب تنێ و پێغه‌مبه‌رى فه‌رمانا عه‌بدولره‌حمانى كرى بمينيته دگه‌ل و عومره‌كا دى ل ته‌نعيمێ پێ بكه‌ت، ئانكو: پێغه‌مبه‌رى (سلاڤێت خودێ لێ بن) گۆتێ هه‌ر وه‌كى دصه‌حيحا موسلميدا هاتي: ((قد حَلَلْتِ من حَجِّكِ وَعُمْرَتِكِ جميعا))، ديسا پێغه‌مبه‌ر (سلاڤێت خودێ لێ بن) دبێژيت: عومره بۆ عومرێ ژێبرنه بۆ گونه‌هێت د ناڤبه‌را خۆدا و حه‌جا مه‌بروور (ئانكو: يا ب دورستى هاتيه‌كرن و خودێ قه‌بويل كرى) چو خه‌لات نينن به‌حه‌شت نه‌بيت.
هه‌لبه‌ت ئه‌ڤ حه‌ديسه بوخارى و موسلمى يا ريوايه‌تكرى، و زانايێ ناڤدار ئبن حه‌جه‌ر (خودێ ژێ رازي بيت)د شه‌رحا ڤێ حه‌ديسێدا دبێژيت: ئه‌ڤ حه‌ديسه ده‌ليله ل سه‌ر باشيا زێده‌كرنا عومرێ، و تابعيێ ناڤدار تاووس (خودێ ژێ رازي بيت)دبێژيت: هه‌رگاڤا رۆژێت ته‌شريقێ بۆرين عومرێ بكه كه‌نگى ته ڤيا، و عيكريمه (خودێ ژێ رازي بيت)دبێژيت: هه‌رگاڤا موسێ سه‌رێ ته گرت عومرێ بكه، و ده‌ف زاهريان حه‌زكه‌ى د رۆژيدا چه‌ند جاران عومرێ بكه، به‌لێ دگه‌ل ئه‌ڤا بۆرى ژى ئه‌ز حه‌جيان و عومره‌چيان شيره‌ت ناكه‌م زێده خۆ ب عومرانڤه مژويل بكه‌ن و ژ تخويبان ببه‌نه ده‌رێ، هێشتا ئێك ب دويماهى نه‌ئيناى كارێ ئێكا دى بكه‌ت، هه‌كه هه‌مى حه‌جاج و عومره‌چى ڤى كارى بكه‌ن دبيته ئه‌گه‌رێ په‌يدابوونا ئزديحامه‌كا نه‌يا ئاسايى و دێ زه‌حمه‌ت بۆ موسلمانان دورست بيت و خودێ چێتر دزانيت.
