ب / گه‌له‌ك ره‌نگێت ته‌وافێ يێت هه‌ين، هه‌ر ئێكێ ناڤ و حوكمێ خۆ يێ جودا يێ هه‌ى:
ئێك: ته‌وافا قدومه يا حه‌جێ، ئه‌ڤ ته‌وافه يا ويه يێ ئيحرام بۆ حه‌جا ئيفراد يان يا قيران گرێداين دهێته‌كرن ده‌مێ دگه‌هيته كه‌عبێ و حوكمێ وێ ل دويف بۆچۆنا دورستتر واجبه.
دوو: ته‌وافا عومرێ، ئه‌ڤ ته‌وافه يا ويه يێ ئيحرام بۆ عومرێ يان حه‌جا ته‌مه‌توع به‌ستين، ئه‌ڤ ته‌وافه شه‌نگستێ عومرێيه و بێى ئه‌ڤ ته‌وافه نه‌يا دورسته.
سێ: ته‌وافا ئيفازێ يان يا زيارێ، پشتى عه‌ره‌فێ و ره‌ميا جيمارا رۆژا ئێكێ يا جه‌ژنێ دهێته‌كرن و شه‌نگسته‌كه ژ شه‌نگستێت حه‌جێ.
چار: ته‌وافا وه‌داعێ يان خاتر خواستنێ، پشتى دويماهيئينانا حه‌جێ دهێته‌كرن، به‌رهه‌ڤى دهێته‌كرن بۆ ده‌ركه‌فتنێ ژ مه‌كه‌هێ و ل سه‌ر بۆچۆنا دورستتر ژ گۆتنا زانايان واجبه، يێ نه‌كر دڤێت قوربانه‌كى بده‌ت ژبلى ژنا د كراسێ عادێدا و يا د چلكاندا.
پێنج: ته‌وافا نه‌زرێ، يێ ل سه‌ر خۆ نه‌زركربيت ته‌وافه‌كێ بكه‌ت.
شه‌ش: ته‌وافا (تحيه المسجد)، ته‌وافا ويه يێ دچيته د كه‌عبێڤه چونكى ته‌حييا كه‌عبێ ته‌وافه.
حه‌فت : ته‌وافا ڤه‌كرى و سونه‌ت، ته‌واف ل مه‌كه‌هێ عيباده‌ته‌كێ خۆسه‌ره، و باشه حه‌جى و عومره‌چى هندى بشێن ته‌وافا زێده بكه‌ن.
و ئه‌ڤ ته‌وافه هه‌مى حه‌فت گه‌رن، و پشتى هه‌ر ته‌وافه‌كێ دوو ركعه‌تێت ته‌وافێ دڤێت بێنه‌كرن، چونكى ئه‌و تمامكه‌رن بۆ ته‌وافێ و خودێ چێتر دزانيت.
