ب راستی بێ باوه‌ری ب حه‌دیسێ و حه‌دیس وه‌رنه‌گرتن و كار پێ نه‌كرن كاره‌كێ زێده مه‌ترسیداره، و دژه بۆ ده‌هان ده‌ق و ئایه‌تێت پیرۆز، و دڤێت ئه‌م بزانین ئه‌و زكرێ خودێ پارێزتنا وێ ب خۆڤه گرتی ب گۆتنا خۆ: (إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ) ئانكو: مه قورئانا ئینایه خوار، و ب ڕاستی ئه‌م دێ پارێزین، دبێژیت: (وَأَنزَلْنَا إِلَيْكَ الذِّكْرَ لِتُبَيِّنَ لِلنَّاسِ مَا نُزِّلَ إِلَيْهِمْ) ئه‌و زكرێ خودێ پارازتنا وی ب خۆڤه گرتی، و په‌یمنا پارازتنا وێ دایی، دبێژیت مه: ئه‌و زكر كو قورئانه وی بۆ خه‌لكی یێ ئینایه خوار؛ دا تو بۆ خه‌لكی دیاره‌كه‌ی، هۆسا دیاردبیت، دیاره‌كرنا قورئانێ پشكه‌كه ژ قورئانێ، ڤێجا چاوا دهێته باوه‌ركرن ژێك بێته جوداكرن، ئه‌م باوه‌ر ژ قورئانێ بكه‌ین و باوه‌ر ژ دیاره‌كه‌رێ قورئانێ نه‌كه‌ین كو حه‌دیسا پێغه‌مبه‌رییه (سلاڤێت خودێ ل سه‌ر بن)؟!! و ژێك جوداكرنا قورئانێ و حه‌دیسێ ئه‌ڤه‌یه: بێته گۆتن قورئان به‌سی مه‌یه، و هه‌وجه‌یی ب حه‌دیسێ نینه، و حه‌دیس نه وه‌حیه، و وه‌رناگرین، ب راستی ئه‌ڤه گۆتنه‌ك و هزره‌كا خراب و مه‌ترسیداره ژ به‌ر هندێ زانا د راستا ڤی كاریدا ئێك بۆچۆنن، ئه‌ڤ كاره خودانێ خۆ ژ ئیسلامێ ده‌ر‌دئێخیت.
1 ـ زانایێ ناڤدار ئبن حه‌زم (خودێ ژێ رازی بیت) ئیجماع و ئێكده‌نگیا زانایان ل سه‌ر گاوریا وان ڤه‌دگوهێزیت و دبێژیت: (ولو أن امرأ قال لا نأخذ إلا ما وجدنا في القرآن لكان كافرا بإجماع الأمة) (الإحكام یا ئبن حه‌زمی ب2/پ208) هه‌كه ئێك بێژیت ئه‌م چو وه‌رناگرین ژ بلی ئه‌ڤا ئه‌م د قورئانێدا دبینین ب ئیجماعا ئوممه‌تێ دێ گاوربیت.
2 ـ زانایێ ناڤدار سیوطی دبێژیت: (فاعلموا رحمكم الله أن من أنكر كون حديث النبي صلى الله عليه وسلم قولا كان أو فعلا بشرطه المعروف في الأصول حجة، كفر وخرج عن دائرة الإسلام، وحشر مع اليهود والنصارى، أو مع من شاء الله من فرق الكفرة) (مفتاح الجنة ب1/پ5) بزانن خودێ دلۆڤانیێ ب هه‌وه ببه‌ت، هه‌ركه‌سێ باوه‌ر نه‌كه‌ت حه‌دیسا پێغه‌مبه‌ری (سلاڤێت خودێ ل سه‌ر بن)، گۆتن بیت یان كریار، ب مه‌رجێت خۆ یێت ئاشكراڤه د بنه‌تارێدا، به‌لگه‌یه، گاوربوو، و ژ بازنێ ئیسلامێ ده‌ركه‌فت، و د گه‌ل جهی و فه‌له‌یان هاته كۆمكرن، یان د گه‌ل وی یێ خودێ بڤێت ژ جوینێت گاوران.
3 ـ زانایێ ناڤدار یێ توژینه‌ر شه‌وكانی د كتێبا خۆدا (إرشاد الفحول) (ج1/ص69)دا دبێژیت: (والحاصل ان ثبوت حجية السنة المطهرة واستقلالها بتشريع الاحكام ضرورية دينية، ولا يخالف في ذلك الا من لا حظ له في دين الاسلام) د دويماهیكێدا بنه‌جهیا به‌لگینیا حه‌دیسا پیرۆز و خۆسه‌ریا وێ د دانا فه‌رمانێت شه‌رعیدا، پێدڤیه‌كا دینییه، و كه‌س غه‌یری ڤێ نابێژیت، ژ بلی وان یێت چو پشك و بار د دینێ ئیسلامێدا نه‌بن.
4 ـ زانایێ ناڤدار یێ مه‌غربی و فقهزانێ هه‌ڤسه‌نگییان، شاطبی د كتێبا (الموافقات ج4/ص17)ێدا دبێژیت: (ان الاقتصار على الكتاب رأى قوم لا خلاق لهم خارجين عن السنة إذ عولوا على ما بنيت عليه من أن الكتاب فيه بيان كل شئ فاطرحوا أحكام السنة فأداهم ذلك إلى الانخلاع عن الجماعة وتأويل القرآن على غير ما أنزل الله) پشتبه‌ستن ب قورئانێ ب تنێ ژ بلی حه‌دیسێ بۆچۆنا هنده‌كانه چو پشك و بار نینن، و ژ رێكێ یێت ده‌ركه‌فتینه ده‌مێ وان هزركری قورئانێ هه‌می تشت یێت دیاره‌كرین، ژ به‌ر هندێ فه‌رمان و ئه‌حكامێت حه‌دیسێ هاڤێتن، و هێلان، ئه‌ڤێ چه‌ندێ وه‌لێكرن ژ جه‌ماعه‌تێ (ژ ئیسلامێ) ده‌ركه‌ڤن و قورئانێ نه بۆ تشتێ هاتیه خوارێ راڤه بكه‌ن.
5 ـ زانایێ ناڤدار بن باز (خودێ ژێ رازی بیت) د راستا واندا دبێژیت: (من أنكر السنة فقد أنكر الكتاب، ومن أنكرهما أو أحدهما فهو كافر بالإجماع) (مجموع فتاوی بن باز ب2/ب403) هه‌ركه‌سێ حه‌دیس وه‌ر‌نه‌گرتبیت ئه‌و قورئان وه‌ر‌نه‌گره و هه‌ركه‌سێ هه‌ردویان وه‌رنه‌گریت یان ئێكێ ژ وان ئه‌و ب ئیجماع گاوره.
6 ـ زانایێ ناڤدار ئبن عثێمین (خودێ ژێ رازی بیت) د راستا واندا دبێژیت: (كل نص یدل علی وجوب الایمان بالقران فهو دال بوجوب الایمان بما جاء فی السنه ..... فالذین قالوا انا لا نؤمن الا بما جاء فی القران نقول انكم لم تؤمنوا بما جاء فی القران ولو انكم امنتم بما جاء فی القران لامنتم بما جاء فی السنة) هه‌رده‌قه‌كا هه‌بیت باوه‌ريێ ب قورئانێ پێدڤى بكه‌ت ئه‌و ده‌ق باوه‌ریێ ب تشتێ د سونه‌تێدا هاتی پێدڤى دكه‌ت... ئه‌وێت دبێژن ئه‌م باوه‌ریێ نائینین ب وێ نه‌بیت یا د قورئانێ تنێدا هاتی ئه‌م دبێژینه وان هه‌وه باوه‌ری ب یا د قورئانێدا هاتی نه‌ئینایه و هه‌كه هه‌وه باوه‌ری ب وێ هه‌با یا د قورئانێدا هاتی دا باوه‌ریێ ب سونه‌تێ ئینن.
7 ـ دیسا سه‌رۆكێ ئه‌زهه‌رێ شێخ مه‌حمود عاشور (خودێ ژێ رازی بیت)، د راستا واندا دبێژیت: (ان منكري السنة عملاء ومدسوسون على الإسلام والمسلمين لخدمة أغراض خبيثة وشريرة يريد أصحابها أن يهدموا الإسلام من خلال استخدامهم لأسلحة أكثر خطورة وفتكا من أي أسلحة أخرى) ئه‌ڤێ باوه‌ریێ ب حه‌دیسێ نه‌ئینیت و وه‌رنه‌گریت ژ خۆفرۆشان و چاندییه د ناڤ موسلمان و ئیسلامێدا؛ دا خزمه‌تا هنده مه‌ره‌مێت پیس و خراب بكه‌ت، خودانێت وان دڤێن موسلمانه‌تیێ ب هه‌ر‌فینن ب رێكا كارئینانا وان بۆ چه‌كه‌كێ مه‌ترسیدارتر و زیانتره ژ هه‌ر چه‌كه‌كێ دی.
8 ـ ئه‌نجومه‌نێ ڤه‌كۆلینێت ئه‌زهه‌رێ د راستا واندا دبێژیت: (إن من ينكر السنة ليس مسلماً، باعتبارها المصدر الثاني من مصادر التشريع في الإسلام بعد كتاب الله الكريم) یێ باوه‌ریێ ب حه‌دیسێ نه‌ئینیت كو ژێده‌رێ دووێیه ژ ژێده‌رێت شه‌ریعه‌تێ ئیسلامێ نه‌موسلمانه.
و ئه‌ز د راستا واندا چو ژ ڤان گۆتنێت بۆرین زێده‌ناكه‌م و ئاخفتنێت وان د راستا واندا به‌سن ئه‌م وان بنیاسین و بزانین مه‌ترسیا بۆچۆنا حه‌دیس وه‌رنه‌گران بن هه‌ر ناڤه‌كێ هه‌بیت و بن هه‌ر په‌رده‌كا هه‌بیت.
خودێ به‌رده‌وام به‌رێ مه بده‌ته راستیێ، و ل به‌ر مه ب ساناهیكه‌ت، و مه ژ نه‌راستى و نه‌هه‌قیێ و ژ خاپاندن و سه‌ردابرنا شه‌یتانی دویر بێخیت، و نه‌كه‌ڤینه داڤێت گۆمانبازیا شه‌یتانی و هه‌ڤالێت وی ژ مرۆڤان، و بزانین قورئان ب رامان و بێژه‌یا خۆڤه وه‌حیه، و ژ ده‌ڤ خودێیه، و حه‌دیس ژی وه‌كی قورئانێ وه‌حیه و رامان ژ خودێیه و ده‌ربرین ژ پێغه‌مبه‌رییه، (سلاڤێت خودێ ل سه‌ر بن)، و حه‌دیس ژێده‌رێ شه‌ریعه‌تێ ئیسلامێ یێ دووێیه.
