ب / ده‌ستپێكێ ئه‌ز دبێژمه ڤان ژ خودێ بترسن، ئه‌ڤ كارێ هوين دكه‌ن كارێ دوورِوى و مونافقانه و سزايێ وان ژى يێ گرانه ئه‌و و گاور دێ هه‌ڤالێت ئێك بن د جه‌هنه‌مێدا، خودێ دبێژيت: (الْمُنَافِقُونَ وَالْمُنَافِقَاتُ بَعْضُهُمْ مِّن بَعْضٍ يَأْمُرُونَ بِالْمُنكَرِ وَيَنْهَوْنَ عَنِ الْمَعْرُوفِ وَيَقْبِضُونَ أَيْدِيَهُمْ نَسُواْ اللَّهَ فَنَسِيَهُمْ إِنَّ الْمُنَافِقِينَ هُمُ الْفَاسِقُونَ وَعَدَ الله الْمُنَافِقِينَ وَالْمُنَافِقَاتِ وَالْكُفَّارَ نَارَ جَهَنَّمَ خَالِدِينَ فِيهَا هِىَ حَسْبُهُمْ وَلَعَنَهُمُ اللَّهُ وَلَهُمْ عَذَابٌ مُّقِيمٌ) دوورِوى ژ ژن و مێران ژ ئێكن، ئانكو: هه‌مى وه‌كى ئێكن د دوورِوياتيێدا، فه‌رمانێ ب خرابيێ دكه‌ن و رێ ل باشيێ دگرن، و ده‌ستێت خۆ دگرن (دمچينن) و قه‌لساتيێ دكه‌ن، خودێ ژبيركرن فه‌رمانا وى ب پشت گوهێ خۆڤه هاڤێتن خودێ ژى ئه‌و هێلان، و دلۆڤانى و كه‌ره‌ما خۆ ژ وان برِى، ب راستى دوورِوى ئه‌ون يێت ژ رێ ده‌ركه‌فتين. خودێ بۆ دوورِويان ژ ژن و مێران و گاوران ئاگرێ دۆژه‌هێ به‌رهه‌ڤ كريه، ئه‌و به‌سى وانه، و خودێ ئه‌و يێت ژ دلۆڤانيا خۆ دويرئێخستين، و ئيزايه‌كا هه‌روهه‌ر بۆ وان هه‌يه.
يا دووێ: ده‌مێ خودێ ئه‌ڤ جلكه ل سه‌ر ژنێ داناى ئارمانج ژێ ژنێت مالا ته چاڤێت پيس و خراب ژێ بێنه وه‌رگێران، و ده‌مێ تو به‌رێ خۆ دده‌يه ژن و كچێت خه‌لكى تو دورستكه‌ى خه‌لك به‌رێ خۆ بده‌ته كچ و ژنێت مالا هه‌وه.
يا سيێ: بلا ئه‌و زه‌لامێ چاڤێ خۆ ژ حه‌رامى نه‌ده‌ته پاش و ده‌همان پاك نه‌بيت ژ كچ و ژنێت مالا خۆ بترسيت، پێغه‌مبه‌ر سلاڤێت خودێ ل سه‌ربن هه‌روه‌كى د ڤه‌گێرِا حاكميدا هاتى دبێژيت: (عفوا عن نساء الناس تعف نساؤكم) ده‌همانپاك بن به‌رامبه‌ر ژنێت خه‌لكى دێ ژنێت هه‌وه د ده‌همانپاك بن، و خودێ چێتر دزانيت.
