پ / سه‌يدا ئه‌م كۆمه‌كا گه‌نجێت دلسۆزين بۆ دينێ خۆ، ئه‌م حه‌ز دكه‌ين دينێ راست و دورست بۆ خه‌لكى دياركه‌ين و به‌رێ وان بده‌ينه دينێ پاك و پاقژ و سپه‌هى، ئه‌و دينێ هه‌مى وه‌كهڤى و دادوه‌رى و بێ فه‌رق و جوداهى، يێ رزگاركه‌ر بۆ تاك و كۆمان كو ئێك و دوو بپه‌رێسن يان ئێكى بيننه رێزا خودێ، ڤێجا به‌رژه‌وه‌ند بن يان هه‌رتشتێ دى، به‌لێ ب ساناهى ڤێ ئاخفتنێ ل پێشيا مه ددانن: ئه‌ڤا هوين بۆ گازى دكه‌ن ئيسلاما سياسيه و ئه‌ڤه نه‌يا دورسته، ئيسلام و سياسه‌ت د ژێك جودانه و نابيت هوين تێكه‌لێك بكه‌ن، ب ڤێ چه‌ندێ دا بره‌ڤن و ئاخفتنا مه نه‌وه‌رگرن و ب به‌رپرسيا خۆ نه‌رابن و هه‌ست پێ نه‌كه‌ن د راستا ئيسلامێدا، ڤێجا هيڤيا مه ئه‌وه سه‌يدا تو پيچه‌كێ ب درێژى بۆ مه ل سه‌ر ئيسلام و سياسه‌تێ باخڤى، كا چ په‌يوه‌ندى دگه‌لێك هه‌يه، و كا ئه‌و د ڤێ گۆتنا خۆدا د راستن: دڤێت ئيسلام و سياسه‌ت ژێك دوير بن چونكى ئيسلام ژ هندێ پاقژتره تێكه‌لى سياسه‌تێ ببيت، وان دڤێت ئيسلام به‌س رۆژى و نڤێژ بيت و مايێ خۆ د چو تشتێ دى نه‌كه‌ت، هه‌كه به‌حسێ تشته‌كێ دى هاته‌كرن ئه‌ڤه هنگى بوو سياسه‌ت، و ئه‌ڤه نه‌يا دورسته، كا تو چ دبێژى؟ به‌لێ هيڤى دكه‌ين ب درێژى به‌رسڤا مه بده‌ى دا چو هێجه‌ت بۆ ڤان ره‌نگه مرۆڤان نه‌مينيت ژ راستيێ برِه‌ڤن و ب ئه‌رك و واجبێ خۆ د راستا ئيسلامێدا نه‌رابن.
