پ: گه‌له‌ك ژن د دوگیانیاخودا ئاخێ دخون، و حه‌ز ژخارنا ئاخێ دكه‌ن، و كرمێ وانه ناشكێت هه‌تا ئاخێ نه خون، و چ بۆ وان جهێ ئاخێ ناگریت، ئه‌رێ ئه‌ڤ ئاخ خارنه یا حه‌لاله یان یا حه‌رامه؟.
پ / گه‌نجه‌ك دبێژيت ئه‌ز گه‌له‌ك حه‌ژ وێنا دكه‌م (وێنێت كاميرێ و يێت ده‌ستى) و ئه‌ز وێنا دگرم و ب ده‌ستى چێدكه‌م و من چو ئنيه‌ت نينن، و ئه‌ز دزانم ئه‌ز عه‌بدێ خودێمه و ئه‌ز نه‌شێمه روحێ بده‌مێ، ئه‌رێ حوكمێ وێنه‌يێت ده‌ستى و يێت كاميرێ چاوايه؟.
پ / ئه‌رێ حوكمێ شه‌رعى ل سه‌ر خودانكرنا سا و هه‌لاويستنا وێنه‌يان چييه، و راسته ملياكه‌ت ناچنه د وێ ژۆرێڤه يا سه تێڤه يان وێنه تێڤه، يان وێنه تێڤه هه‌لاويستى؟.
پ / خويشكه‌ك دبێژيت: ده‌مێ ئه‌ز گۆشتێ جانه‌وه‌ره‌كى دخۆم دلێ من گه‌له‌ك دئێشيت و دلێ من دمينيته پێڤه و ئه‌ز بۆ وى جانه‌وه‌رى گه‌له‌ك عێجز دبم و ئه‌ز دبێژم: چاوا خودێ حه‌لالكريه هه‌تا بێته ڤه‌كوشتن، هيڤيدارم هوين قه‌ناعه‌تێ بۆ من چێ كه‌ن دا ئه‌ز ڤان هزرا نه‌كه‌م؟.
پ / ئه‌رێ سه‌يدا.. راسته جوداهى د ناڤبه‌را كچ و كوراندا هه‌يه د فرێكرنا نامه‌ياندا بۆ ده‌زگه‌هێت راگه‌هاندنێ! هنده‌ك دبێژن: بۆ كچان حه‌رامه و بۆ كوران حه‌لاله؟.
پ / ئه‌ز حه‌لاقم و گه‌له‌ك ژ مه دخوازن ئه‌م پرچا وان بۆياغ بكه‌ين و هه‌مى ره‌نگان يا ره‌ش و زه‌ر و سۆر و ب ره‌نگه‌كێ خه‌نايێ دبێژنێ خه‌نا ره‌ش، ئه‌رێ دورسته ئه‌م ڤى كارى بكه‌ين يان ژى يێ حه‌رامه و نه‌دورسته؟.
پ / ئه‌رێ خوارن و ڤه‌خوارن ل مالا نه يێ موسلمان حه‌رامه؟
پ / سه‌يدا هه‌ر سال ده‌مێ بهارێ خواندنگه‌هـ دچنه گه‌شت و سه‌يرانان، و گه‌له‌ك جاران تێكه‌لى دچن، نه‌خاسمه گه‌شت و سه‌يرانێت زانينگه‌هان، و ژ قوتبيان دهێته خواستن پشكداريێ بكه‌ن، و گه‌له‌ك جاران ژى ژ قوتابيان هه‌ميان دهێته خواستن هه‌رێك پشكه‌كێ ژ پاره‌ى بده‌ن؛ دا ده‌هۆل و زرنان پێ كرێ بكه‌ن، يان تيپه‌كا هونه‌رى كرێ بكه‌ن و ئه‌ڤ تيپه بۆ ده‌واتێت تێكه‌ل تێته ب كارئينان، و چ سترانا پتر سه‌رێ گه‌نجان گه‌رم دكه‌ت وێ سترانێ دبێژن په‌يڤێت وێ چاوابن بلا د وه‌سابن، ئه‌و نه‌گرنگه و هه‌كه ئه‌ڤ پشكداريه نه‌هێته‌كرن عه‌يبداريا مرۆڤى دهێته‌كرن، دبێژن: هه‌مى هنده پاره‌يه تشته‌كێ كێمه ما چيه هه‌كه ته دا، ئه‌وێ نه‌ده‌ت.. رێڤه‌به‌ريا كۆليژێ يان يا خواندنگه‌هێ دئێخنه ژێر به‌رپرسياريێ، ئه‌رێ هه‌كه مرۆڤى گوهداريا وان كر گونه‌هه يان نه، و ئه‌ڤا ئه‌ڤ رێڤه‌به‌ريه دكه‌ن گونه‌هه يان نه؟.
پ / گه‌له‌ك ره‌نگێت خوارنێ ژ ده‌رڤه بۆ مه دهێن و يا ل سه‌ر نڤێسى به‌رهه‌مێت مه د ڤالانه ژ روينێ به‌رازى، ئه‌رێ ئه‌ڤ خوارنه حه‌لالن! و هه‌كه ئه‌ڤه به‌س ريكلام و ديعايه‌ت بيت هنگى گونه‌ها كێيه يا هاولاتيانه هه‌كه خوار يان يا ده‌سهه‌لاتێيه رێك دايه ڤان ره‌نگێت خوارنێ؟.
پ / هه‌كه زه‌لامه‌كى كچه‌ك بۆ خۆ خواست و ماره‌كر.. به‌رى ڤه‌گوهێزيت بمريت، دورسته يان حه‌لاله كورێ وى وێ كچێ بۆ خۆ بينيت؟.
پ / ئه‌رێ راسته جلكێ مرۆڤى نابيت بن گۆزه‌كێ بكه‌ڤيت چونكى پێغه‌مبه‌ر (سلاڤێت خودێ لێ بن) دبێژيت: (ما اسفل الكعبين في النار) و حه‌رامه جلك ژ گۆزه‌كێ درێژتر بيت؟.
